 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
|
Kropłi zołata vosień hublaje
|
Kropłi zołata vosień hublaje
ź pierapoŭnienaj čary žyćcia...
Što da čaraŭ,
dyk peŭna – ja laik,
a žyćciom ja idu –
napraściak.
Mo tamu chiba j smahi nia maju,
choć asieńniaje pachnie vino
ni to vieraśniem mnie,
ni to majem,
kružyć hołaŭ źniamohaj lanoj.
Žoŭty śviet
im upiŭsia dapjana,
ja ž
ćviarozaja ŭdaleč idu.
Dosyć maju asinavych panik,
śniehapadaŭ klanovych
i dum.
Ale serca pa-svojmu
i ščaściem,
i tuhoju niaŭłoŭnaj bałić...
Mo tamu, što z saboj jaho našča
ja ŭ rudyja zabrała pałi,
mo tamu,
što ŭ asieńniaj tryvozie
jość atruta, niaznanaja nam,
i cykutaju žoŭtaju vosień
trucić našyja sercy niaŭznak?
Nie!
Ŭ paetaŭ jana nie pacełić,
nie patrapić ich dołu pryhnuć.
Skažuć:
«Višni viasnoj zapylełi», –
j kažny ŭ sercy
pačuje viasnu!
1942, Miensk.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
